رواية الجن العاشق

بسم الله الرحمن الرحيم

الجن العاشق

الحلقة الرابعة :-

سارة : الو الو الو

و تقول لي منال : طيب انا طالعة لان خالد منتظرني برا

منال : انا عايزة اشوفو ، حاطلع معاك

سارة : يا زولة هوووي ما من اول مرة ،، يقول علينا شنو

منال : طيب انا حامشي وراك و اشوفو من بعيد ، الشمار حارقني يااخ هههههه

سارة : كدة اوكي

منال و سارة يمشو على الباب لكن منال يجيها تلفون من صحبتها و تضطرا ترجع ليها و تقول

منال : هههه شكلو مافي نصيب المرة دي لكن المرة الجاية حاشوفو

سارة : احسن ذاتو عشان متاكدة حتتكسري و تحاولي تشلبي مني هههههه

منال : بوريك الشلب يا شينة هههههه

منال تمشي لصحبتها و سارة تطلع لي خالد و تركب معاهو

خالد : انتي متاكدة انك كدة 

سارة : ههههههه كترتها هههههه ، انت كدة بتخجلني

خالد : بالجد انتي اجمل بت شفتها و انا من قبيل بفكر فيك

سارة : خلاص ما تخجلني 

خالد : يعني انتي ما فكرتي فيني 

سارة : بخجل اي اتذكرتك 

خالد : اتذكرتيني بس

  رايك فيني شنو بصراحة

سارة: ما فيك كلام بالجد و زول راقي ووجيه جدا

خالد : اها و تاني

سارة : خلاص يا خالد مافي داعي تحرجني

خالد : حلاتك و انتي خجلانة ، بتزيدي جمال فوق جمالك

سارة : هههههه طيب ركز في الطريق

خالد : حاااااضر يا اميرتي

سارة : اميرتي عديل ههههههه

خالد : و ملكتي كمان

سارة : كلامك سمح على فكرة

خالد : انتي بسبب جمالك اجبرتيني اقولو ليك لان مستحييل اي شخص يشوف جمالك دا و ما يتغزل فيهو

سارة خجلت و بقت تتبسم و سرحت انها اتزوجتو و انها بقت غنية

خالد وصلها لحدي الظلط و سلمت عليهو و نزلت

خالد : اول ما توصلي البيت طمنيني

سارة : حاااضر

جمال و عاصم ماشين مع بعض و جمال يشوف سارة من بعيد

جمال : عاصم عاصم

عاصم : في شنو

جمال : شوف البنت الجميلة  دي ، يا ارض احفظي ما عليكي ، ما شاء الله

عاصم : انت جادي ، قاصد البنت دي ؟

جمال : اي البنت دي

عاصم : انت بتستهبل علي مش 

جمال : لا والله ما بستهبل ، لكن دا شنو دا ، ما شاء الله تبارك الله قمر ماشي على الارض ! ، مش زي البنت الكنت عايز تدبسني اتزوجها و كمان تقول لي ديك احلى بت في حلتكم ، انت ما شفت دي و لا شنو 

عاصم : بالله ! ، الله يطولك يا روووح

في اللحظة دي سارة تجي مارة جنبهم و تسلم على عاصم و جمال يمد يدو و سارة تعاين لجمال من فوق لتحت و تكشر في وشو و تتف في الارض و تمشي من جنبهم من غير تسلم عليه

جمال : مالها البت دي لمن شافتني عملت كدة ! و كمان ما سلمت علي

عاصم : يعني عايزها تضحك ليك بعد العملتو فيها و القلتو  و العملتو ؟

جمال : القلتو ؟! 

عاصم : انت نسيت و لا شنو؟!

جمال : نسيت شنو يا عاصم !! اتكلم

عاصم : يعني انت عامل نفسك ما عارفها ؟! 

جمال : والله دي اول مرة اشوفها و انا لو شفتها من زمان مستحيل اخليها و هسي ما بخليها ، لازم اتزوجها

عاصم : دا لو رضت بيك تاني

جمال : رضت بي تاني ؟!!

عاصم : استغفر الله العظيم من كل ذنب عظيم ، انت لمن مشينا نخطبها ليك ،، مش قلت ما عايزها و مافي قبول و احرجتني و احرجتها قدام اهلها !

جمال : انا ، قصدك منو و متين الكلام دا

عاصم : يعني عايز تقنعني انو انت ما عارف انو دي سارة بت عم محجوب المشينا امس عشان نطلبها ليك

جمال : منو ؟! ، كيف الكلام دا

عاصم : مستهبل انت ، انت مش امس قلت شينة و هسي فجاءة بقت ليك سمحة و قاعد تشكر فيها

جمال : والله يا عاصم دي ما البنت الشفتها انا ، انا شفت واحدة مشوهة عديل و قبيحة جدا

عاصم : لا حول و لا قوة الا بالله ، انا كنت معاك و شفتها نفس شكلها الهسي دا

جمال : كيف الكلام ده ؟ ، طيب ليه انا شفتها قبيحة و كمان جرحتها بالكلام ؟

عاصم : ما عارف اقول ليك شنو ، لكن انت متاكد من كلامك دا ، انك شفتها قبيحة يعني 

جمال : اي والله متاكد

عاصم : انت الا يكون فيك عين او مسحور

جمال : 😳😳

بقلم : تهاني محي الدين

• غرّد
• شارك
• شارك
• شارك
• شارك