الأربعاء، 4 يناير، 2017

رواية الجن العاشق

بسم الله الرحمن الرحيم 

الجن العاشق 

الحلقة الثالثة :-

خالد يتغير فجاءة و تحمر عيونو و يوقف العربية
سارة : مالك في شنو
خالد : مافي حاجة بس حسيت بي صداع حبة
سارة : سلامتك
خالد : تسلمي كتييير
خالد يدور العربية و يتونس مع سارة طول السكة و يوصلها الجامعة
سارة : شكرا كتيير على التوصيلة
خالد : دا الواجب
سارة تقول في نفسها : يارب يقول لي عايز رقم تلفونك
و في نفس اللحظة خالد يقول ليها
خالد : لو سمحتي ممكن رقم تلفونك اذا ما فيها اذعاج و اكون شاكر جدا لو اديتيني ليهو
سارة :  اتفضل سجل الرقم و تمليهو رقمها
خالد يحفظ الرقم و يعمل ليها رنة
سارة: تحفظو و تقول بالمناسبة انت اسمك منو
خالد : اسمي خالد ، تشكري يا عسل ، بس عايز اسالك انتي بالجد كدة يعني
سارة : تخجل  و تقول كيف ما فهمتك
خالد : يعني انتي اصلا حلوة كدة
سارة : شكرا ليك عن اذنك عشان ما اتاخر
خالد : اذنك معاك و اتوقعي مني تلفون و فرصة سعيدة
سارة : انا الاسعد
سارة تمشي تدخل الجامعة و شغالة تتبسم براها و تتذكر خالد و كلامو و جاهتو و تلاقيها صحبتها منال
منال : بسم الله الرحمن الرحيم ، بتتبسمي براك مالك يا بنت جنيتي ؟
سارة : انا فضل فيني عقل ، ياخ انتي لو شفتي الشفتو انا ، مش حتجني و بس ، يااااخ دا رهييييب و فظييييع
منال : دا شنو دا ،، احكي احكي ،"شوقتيني يا زولة
سارة : ولد فظييييع انا ما شفت زيو في حياتي ، لا في التلفزيون لا في الحقيقة لا في زي الوان و لا تركي
منال : هههههههه انتي جادة يا بت ، لميتي فيهو وين دا
سارة : وصلني للجامعة و قال شافني هنا لمن كان بوصل قريبو
منال : لالا ، دي دايرة قعدة عديل ، اقعدي و احكي لي بالتفصيل
سارة تحكي لمنال الحصل كلو
منال : كمان عندو شركة و الله حظك يا بت المحظوظة ، دا تقبضي فيهو قوي
سارة : دا كلامك ههههه ، اصلا ما بفوتو
و هي بتتكلم معاها خالد يتصل عليها
سارة : اهو متصل ، ابن الحلال عند ذكرو ببان هههه
منال : ردي سرعة
سارة : الو
خالد : وصلتي القاعة
سارة : اي وصلت
خالد : خلي بالك من نفسك
سارة : شكرا ، حااااااضر و انت كمان خلي بالك من نفسك
خالد : بس اتصلت اطمن عليك
سارة : تسلم و تقفل الخط
منال : ووووب علي ، شكلو زول راقي اها قال ليك شنو
سارة: ااااااه انسي بس ، اتصل يطمن علي وصلت القاعة او لا ، دايرة الصراحة انا اتكسرت فيهو عديل هههههه
منال : يا بت ابردي ، من اول يوم كدة ههههه
سارة : انتي لو شفتيهو من اول نظرة حاتتكسري فيهو
منال : هههههه الله يورينا ليهو البكسر دا
يمشو يدخلو المحاضرة و دوامهم ينتهي ، يقوم خالد يتصل على سارة
خالد : كيفك سرو
سارة : سرو كمان ههه
خالد : انا منتظرك برا جنب الباب مش خلصتي
سارة : عرفتني كيف خلصت ، انا ما وريتك
خالد : انا مافي حاجة ما بعرفها و خصوصا عنك انتي ، من شفتك المرة الاولى سحرتيني بجمالك و حافظ جدولك كمان
سارة : خلاص ما تخجلني
خالد : طيب اطلعي سرعة
سارة : ان شاء الله دقيقتين و بكون معاك
و الخط فصل فجاءة تيت تيت تيت
سارة : الو الو
الى هنا تنتهي الحلقة الثالثة من رواية الجن العاشق نلقاكم في الحلقة القادمة ان شاء الله .....
بقلم : تهاني محي الدين

0 التعليقات: